പാകിസ്ഥാനെതിരെയുള്ള അഫ്ഗാനിസ്ഥാന്റെ ചരിത്ര വിജയം റാഷിദ് ഖാനൊപ്പം ആഘോഷിച്ച് ഇർഫാൻ പത്താൻ |World Cup 2023

ചെന്നൈയിലെ ചെപ്പോക്ക് സ്റ്റേഡിയത്തിൽ പാക്കിസ്ഥാനെതിരായ ചരിത്ര വിജയം അഫ്ഗാനിസ്ഥാൻ സ്പിന്നർ റാഷിദ് ഖാനൊപ്പം നൃത്തം ചെയ്താണ് മുൻ ഇന്ത്യൻ ഓൾറൗണ്ടർ ഇർഫാൻ പത്താൻ ആഘോഷിച്ചത്.2023ലെ ക്രിക്കറ്റ് ലോകകപ്പിൽ പാക്കിസ്ഥാനെ 8 വിക്കറ്റിന് തോൽപ്പിച്ച് അഫ്ഗാനിസ്ഥാൻ രണ്ടാം വിജയം നേടി.

മത്സരത്തിന് ശേഷം പത്താൻ റാഷിദിനൊപ്പം ആഘോഷിക്കുന്ന വീഡിയോ സോഷ്യൽ മീഡിയയിൽ വൈറലായി മാറിയിരിക്കുകയാണ്.നിർണായക വിജയം അഫ്ഗാനിസ്ഥാനെ ടൂർണമെന്റിന്റെ പോയിന്റ് പട്ടികയിൽ ആറാം സ്ഥാനത്തേക്ക് നയിച്ചു.മികച്ച നെറ്റ് റൺ റേറ്റോടെ പാകിസ്ഥാൻ അഞ്ചാം സ്ഥാനം നേടി.ആദ്യം ബാറ്റ് ചെയ്ത പാകിസ്ഥാൻ ക്യാപ്റ്റൻ ബാബർ അസമിന്റെയും ഓപ്പണർ അബ്ദുള്ള ഷഫീഖിന്റെയും അർദ്ധ സെഞ്ചുറിയുടെ പിൻബലത്തിൽ 7 വിക്കറ്റ് നഷ്ടത്തിൽ 282 റൺസെടുത്തു.

2023 ലോകകപ്പിൽ അരങ്ങേറ്റം കുറിച്ച 18 കാരനായ നൂർ അഹമ്മദ് 10 ഓവറിൽ 49 റൺസ് മാത്രം വിട്ടുകൊടുത്ത് മൂന്ന് വിക്കറ്റ് വീഴ്ത്തി മികച്ച പ്രകടനം നടത്തി.പാകിസ്ഥാന്‍ ഉയര്‍ത്തിയ 283 റണ്‍സ് വിജയലക്ഷ്യം പിന്തുടര്‍ന്ന അഫ്ഗാന്‍ ഒരോവര്‍ ശേഷിക്കേ രണ്ട് വിക്കറ്റുകള്‍ മാത്രം നഷ്ടപ്പെടുത്തി ലക്ഷ്യത്തിലെത്തി. അഫ്ഗാനിസ്ഥാന് വേണ്ടി ഓപ്പണർമാരായ റഹ്മാനുള്ള ഗുർബാസും ഇബ്രാഹിം സദ്രാനും ചേർന്ന് 130 റൺസിന്റെ മികച്ച കൂട്ടുകെട്ട് പടുത്തുയർത്തി. ഗുർബാസ് വെറും 53 പന്തിൽ 65 റൺസ് നേടി, സദ്രാൻ 113 പന്തിൽ 87 റൺസെടുത്തു.

റഹ്മത്ത് ഷായും ക്യാപ്റ്റൻ ഹഷ്മത്തുള്ള ഷാഹിദിയും ചേർന്ന് 94 റൺസിന്റെ അപരാജിത കൂട്ടുകെട്ടിൽ ചെപ്പോക്ക് സ്റ്റേഡിയത്തിൽ അഫ്ഗാനിസ്ഥാൻ 8 വിക്കറ്റിന് വിജയിച്ചു.ഇതാദ്യമായാണ് അഫ്ഗാന്‍ ലോകകപ്പില്‍ രണ്ട് ജയങ്ങള്‍ നേടുന്നത്.ഈ ലോകകപ്പില്‍ അഫ്ഗാന്‍ നേടുന്ന രണ്ടാം ജയമാണിത്. ലോകചാമ്പ്യന്‍മാരെ അട്ടിമറിച്ചായിരുന്നു ഈ ലോകകപ്പിലെ ആദ്യവിജയം. മൂന്നാം തോല്‍വിയോടെ പാകിസ്താന്റെ സെമി സാധ്യത പരുങ്ങലിലായി.