‘സഞ്ജു സാംസണെ ഒരു മത്സരം കൊണ്ട് മാത്രം വിലയിരുത്തുന്നത് തെറ്റാണ് ,അത് തികഞ്ഞ അനീതിയായിരിക്കും ‘ : ആകാശ് ചോപ്ര |Sanju Samson
ബെംഗളൂരുവിലെ എം ചിന്നസ്വാമി സ്റ്റേഡിയത്തിൽ നടക്കുന്ന മൂന്നാമത്തെയും അവസാനത്തെയും ടി20യിൽ അഫ്ഗാനിസ്ഥാനെ നേരിടാൻ ഒരുങ്ങുകയാണ് ഇന്ത്യ.T20I പരമ്പരയിലെ ആദ്യ രണ്ട് മത്സരങ്ങൾ വിജയിച്ച ഇന്ത്യ പരമ്പര സ്വന്തമാക്കിയിട്ടുണ്ട്. അവസാന ടി20യിൽ ചില മാറ്റങ്ങൾ വരുത്താനും വ്യത്യസ്ത കോമ്പിനേഷൻ പരീക്ഷിക്കാനും ഇന്ത്യൻ ടീം മാനേജ്‌മെന്റ് നോക്കിയേക്കാം.ഇന്ത്യന്‍ നിരയില്‍ മൂന്ന് മാറ്റത്തിന് സാധ്യതയുണ്ട്.
ആദ്യ രണ്ട് ടി20കളിലും അവസരം ലഭിക്കാത്ത സഞ്ജു സാംസണ്‍ , കുല്‍ദീപ് യാദവ്, ആവേശ് ഖാന്‍ എന്നിവര്‍ പ്ലേയിങ് ഇലവനിലെത്തിയേക്കും. ജിതേഷ് ശര്‍മ, രവി ബിഷ്‌ണോയ്‌, മുകേഷ് കുമാര്‍ എന്നിവരാവും പുറത്താവുക.ജിതേഷ് ശർമ്മയുടെ സ്ഥാനത്ത് സഞ്ജു സാംസൺ വിക്കറ്റ് കീപ്പർ സ്ഥാനത്തേക്ക് എത്തും.സഞ്ജു സാംസണെ ഒരു മത്സരം കൊണ്ട് മാത്രം വിലയിരുത്തുന്നത് തെറ്റാണെന്ന് മുൻ ഇന്ത്യൻ ക്രിക്കറ്റ് താരം ആകാശ് ചോപ്ര പറഞ്ഞു.ടി20 ലോകകപ്പ് ടീമിൽ വിക്കറ്റ് കീപ്പർ ജിതേഷ് ശർമ്മയുടെ സ്ഥാനം ഇതുവരെ ഉറപ്പിച്ചിട്ടില്ലെന്ന് ചോപ്ര തന്റെ യൂട്യൂബ് ചാനലിൽ പറഞ്ഞു.
അഫ്ഗാനിസ്ഥാനെതിരായ ടി20 പരമ്പരയിലെ രണ്ട് മത്സരങ്ങളിൽ നിന്ന് 31 റൺസാണ് ജിതേഷ് നേടിയത്.എന്നാൽ ബെംഗളൂരുവിൽ അഫ്ഗാനിസ്ഥാനെതിരായ മൂന്നാം ടി20യിൽ ജിതേഷ് ശർമ്മയ്ക്ക് പകരം സഞ്ജു സാംസണെ കളിപ്പിക്കരുത് കളിപ്പിക്കാൻ ആകാശ് ചോപ്ര ആഗ്രഹിക്കുന്നില്ല.“ജിതേഷിനെയാണോ സഞ്ജുവിനെയാണോ ആറാം നമ്പറിൽ നിർത്തേണ്ടത് എന്നതാണ് ചോദ്യം. ടി20 ലോകകപ്പ് വരാനിരിക്കെ ജിതേഷ് ടീമില്‍ സ്ഥാനം ഉറപ്പാക്കിയെന്ന് പറയാറായിട്ടില്ല. എന്നാല്‍ ഇന്ത്യ ഇപ്പോള്‍ സഞ്ജുവിനെ കളിപ്പിച്ചാല്‍ ജിതേഷിനോട് ചെയ്യുന്ന നീതി നിഷേധമായിപ്പോകും. “ചോപ്ര പറഞ്ഞു.
“അതിനും ഒരു മറുവശമുണ്ട്. സഞ്ജു കളിക്കുമെന്ന് കരുതുക, ഒരു മത്സരം കൊണ്ട് നിങ്ങൾ അവനെ വിലയിരുത്തുമോ? അത് തെറ്റാണ്. അവസാന മത്സരത്തിലെ ഒരു മോശം പ്രകടനംകൊണ്ട് ജിതേഷിനെ പുറത്താക്കുന്നത് ശരിയല്ല. മൂന്ന് മത്സരത്തിലെ പ്രകടനമെങ്കിലും വിലയിരുത്തി വേണം ഒരു തീരുമാനം എടുക്കാന്‍. സഞ്ജു സാംസണും കരിയറില്‍ ആഗ്രഹിച്ചത് ഇതേ കാര്യമാണ്” ചോപ്ര കൂട്ടിച്ചേർത്തു.ഒരു മത്സരത്തിൽ മാത്രം സാംസണെ വിലയിരുത്തുന്നത് ശരിയല്ലെന്നും അദ്ദേഹം പറഞ്ഞു. മൂന്ന് മത്സരങ്ങളുടെ പരമ്പരയിലെ അവസാന ഏകദിനത്തിൽ ദക്ഷിണാഫ്രിക്കയ്‌ക്കെതിരെ സാംസൺ സെഞ്ച്വറി നേടിയെങ്കിലും അഫ്ഗാനിസ്ഥാനെതിരായ ടി20 ഐ പരമ്പരയിൽ ഇന്ത്യക്കായി കളിച്ചിട്ടില്ല.
ഒന്നോ രണ്ടോ അവസരങ്ങളെ അടിസ്ഥാനമാക്കിയാണ് സാംസണിന്റെ കരിയറിനെക്കുറിച്ചുള്ള വിലയിരുത്തലുകൾ നടത്തിയതെന്നും മറ്റുള്ളവർക്ക് നിരവധി അവസരങ്ങൾ നൽകിയിട്ടുണ്ടെന്നും ചോപ്ര എടുത്തുപറഞ്ഞു. കേരളത്തിലെ വിക്കറ്റ് കീപ്പർ-ബാറ്ററിന് തന്റെ യോഗ്യത തെളിയിക്കാൻ ഒരു അവസരം നൽകിയാൽ അത് തികഞ്ഞ അനീതിയായിരിക്കുമെന്നും അദ്ദേഹം കൂട്ടിച്ചേർത്തു.ജൂൺ 1 മുതൽ ആരംഭിക്കുന്ന ടി20 ലോകകപ്പിന് മുന്നോടിയായുള്ള ഇന്ത്യയുടെ അവസാന അന്താരാഷ്ട്ര അസൈൻമെന്റാണ് ഈ പരമ്പര.
