‘മൂന്നാം ടെസ്റ്റിൽ ജസ്പ്രീത് ബുംറയ്ക്ക് വിശ്രമം നൽകരുത്’: രാജ്കോട്ടിൽ എന്തുകൊണ്ട് സ്പീഡ്സ്റ്റർ വേണമെന്ന് ഹർഷ ഭോഗ്ലെ വിശദീകരിക്കുന്നു | Jasprit Bumrah
ഇംഗ്ലണ്ടിനെതിരായ മൂന്നാം ടെസ്റ്റിൽ ജസ്പ്രീത് ബുംറയ്ക്ക് വിശ്രമം നൽകുന്നതിനെക്കുറിച്ച് ചർച്ചകൾ നടക്കുന്നുണ്ട്. ആദ്യ രണ്ട് ടെസ്റ്റുകളിലും അദ്ദേഹം ധാരാളം ഓവറുകൾ എറിഞ്ഞിട്ടുണ്ട്, മാത്രമല്ല തൻ്റെ ജോലിഭാരം നിയന്ത്രിക്കുക എന്നതാണ് ഇപ്പോൾ അദ്ദേഹത്തിൻ്റെ മുൻഗണന. നട്ടെല്ലിന് ഗുരുതരമായി പരിക്കേറ്റ അദ്ദേഹം ഒരു വർഷത്തോളം കളിക്കളത്തിന് പുറത്തായിരുന്നു. സെലക്ടർമാരും മാനേജ്‌മെൻ്റും തങ്ങളുടെ മികച്ച പേസർക്ക് സമാനമായ പരിക്ക് ആവർത്തിക്കാൻ ആഗ്രഹിക്കുന്നില്ല.
വിശാഖപട്ടണം ടെസ്റ്റിൽ 9 വിക്കറ്റ് വീഴ്ത്തിയ അദ്ദേഹം ഇന്ത്യയുടെ 106 റൺസിൻ്റെ വിജയത്തിന് സംഭാവന നൽകിയതിന് പ്ലെയർ ഓഫ് ദ മാച്ച് ആയി തിരഞ്ഞെടുക്കപ്പെട്ടു. ഓപ്പണിംഗ് ടെസ്റ്റിലും ബുംറ മികച്ച പ്രകടനം പുറത്തെടുത്തെങ്കിലും രോഹിത് ശർമ്മയുടെ നേതൃത്വത്തിലുള്ള ടീം 28 റൺസിന് തോറ്റു.അഞ്ച് മത്സരങ്ങളുള്ള ടെസ്റ്റ് പരമ്പരയിലെ കമൻ്ററി പാനലിൻ്റെ ഭാഗമായ ഹർഷ ഭോഗ്ലെ, രാജ്‌കോട്ട് ബാറ്റിംഗ് പറുദീസയായതിനാൽ വരാനിരിക്കുന്ന മത്സരത്തിൽ ബുംറയെ കളിപ്പിക്കില്ല എന്ന ആശയത്തിന് എതിരാണ്. ബുംറ കളിക്കാതിരുന്നാൽ ടീമിൽ വലിയ വ്യത്യാസം ഉണ്ടാവുമെന്നും പറഞ്ഞു.
“ഇന്ത്യ ബുംറയ്ക്ക് വിശ്രമം നൽകണമെങ്കിൽ, മറ്റ് ബൗളർമാർ കൂടുതൽ ശക്തരാകുന്ന ഒരു ട്രാക്കിൽ അത് ചെയ്യണം.ഒരു നല്ല ബാറ്റിംഗ് പ്രതലത്തിൽ അദ്ദേഹത്തിൻ്റെ കഴിവുകൾ അദ്ദേഹത്തിൻ്റെ കഴിവുകൾ മറ്റുള്ളവർക്ക് ആവർത്തിക്കാൻ അസാധ്യമാണ്.രാജ്‌കോട്ട് ഒരു നല്ല ട്രാക്കാണ് രണ്ടാം ടെസ്റ്റിന് ശേഷം അദ്ദേഹം ഒരാഴ്ചയിലേറെ വിശ്രമിക്കും. അദ്ദേഹത്തെ രാജ്കോട്ടിൽ കളിപ്പിക്കുകയും റാഞ്ചിയിൽ വിശ്രമം കൊടുക്കുകയും ധർമ്മശാലയിലേക്ക് തിരിച്ചുകൊണ്ടു വരുന്നതും നല്ല ആശയമായിരിക്കും” ഹർഷ ഭോഗ്ലെ പറഞ്ഞു.
If India have to rest Bumrah, they must do so on a track where the other bowlers become more potent. On a good batting surface, his skills are impossible to replicate. Rajkot tends to be a good track and he will have rested for over a week. It might be a good idea to play him in…
— Harsha Bhogle (@bhogleharsha) February 8, 2024
ജസ്പ്രീത് ബുംറയുടെ മിന്നുന്ന ബൗളിംഗാണ് വിശാഖപട്ടണത്ത് നടന്ന രണ്ടാം ടെസ്റ്റിൽ ഇന്ത്യക്ക് വിജയമൊരുക്കിയത്.ഫാസ്റ്റ് ബൗളേഴ്‌സിന് ഒരു പിന്തുണയും ഇല്ലാത്ത പിച്ചിൽ 9 വിക്കറ്റുകൾ നേടിയ ബുംറ ൻ്റെ കരിയറിലെ ഏറ്റവും മികച്ച ബൗളിംഗ് പുറത്തെടുക്കുകയും ചെയ്തു.30 കാരനായ പേസർ ഈ പരമ്പരയിൽ 15 വിക്കറ്റുമായി ബൗളിംഗ് ചാർട്ടിൽ മുന്നിലാണ്. ഇംഗ്ലണ്ടിനെതിരെ ഹൈദരാബാദും വിശാഖപട്ടണവും വേദിയായ ആദ്യ രണ്ട് ടെസ്റ്റുകളിലെ നാല് ഇന്നിംഗ്സുകളിലുമായി 32 ഓവറുകള്‍ എറിഞ്ഞ ജസ്പ്രീത് ബുമ്ര അതിശയിപ്പിക്കുന്ന 10.67 ബൗളിംഗ് ശരാശരിയില്‍ 15 വിക്കറ്റുകള്‍ വീഴ്ത്തിയിരുന്നു. ആകെ 160 റണ്‍സേ ബുമ്ര വിട്ടുകൊടുത്തുള്ളൂ.
