വിജയകുതിപ്പ് തുടരാൻ കേരള ബ്ലാസ്റ്റേഴ്സ് ഇന്നിറങ്ങുന്നു , എതിരാളികൾ ഈസ്റ്റ് ബംഗാൾ |Kerala Blasters
2023-24 ഇന്ത്യൻ സൂപ്പർ ലീഗ് സീസണിലെ ആറാം മത്സരത്തിൽ ഇന്ന് കൊൽക്കത്തയിലെ വിവേകാനന്ദ യുവഭാരതി ക്രിരംഗനിൽ ഈസ്റ്റ് ബംഗാൾ കേരള ബ്ലാസ്റ്റേഴ്സിനെ നേരിടും.ഈസ്റ്റ് ബംഗാൾ ഈ സീസണിൽ ഇതുവരെ മികച്ച ഫോമിലായിരുന്നില്ല. ഈ സീസണിൽ ഇതുവരെ നാല് മത്സരങ്ങളിൽ നിന്ന് ഒരു ജയം മാത്രമുള്ള അവർ ഒമ്പതാം സ്ഥാനത്താണ്.
അവസാന മത്സരത്തിൽ ഈസ്റ്റ് ബംഗാൾ ഗോവക്കെതിരെ പരാജയപ്പെടുകയും ചെയ്തു.കേരള ബ്ലാസ്റ്റേഴ്സ് ഈ സീസൺ നല്ല നിലയിലാണ് തുടങ്ങിയത്. ഈ സീസണിൽ ഇതുവരെ കളിച്ച അഞ്ച് മത്സരങ്ങളിൽ നിന്ന് മൂന്ന് ജയവും ഒരു സമനിലയും ഒരു തോൽവിയുമായി അവർ ലീഗ് ടേബിളിൽ അഞ്ചാം സ്ഥാനത്താണ്.കേരള ബ്ലാസ്റ്റേഴ്സിന് മികച്ച തുടക്കം ലഭിക്കാതിരിക്കാൻ എല്ലാ കാരണങ്ങളുമുണ്ടായിരുന്നു. അവരുടെ പരിശീലകനായ ഇവാൻ വുകോമാനോവിച്ചിനെ ആദ്യ നാല് മത്സരങ്ങളിൽ സസ്‌പെൻഷൻ മൂലം പങ്കെടുക്കാൻ സാധിച്ചില്ല കൂടാതെ അവരുടെ പ്രധാന കളിക്കാർക്ക് പരിക്കേറ്റു.
സതേൺ ഡെർബിയിൽ തങ്ങളുടെ ചിരവൈരികളായ ബെംഗളൂരുവിനെ 2-1 മാർജിനിൽ പരാജയപ്പെടുത്തിയ കേരള ബ്ലാസ്റ്റേഴ്സിന്റെ തുടക്കം ഗംഭീരമായിരുന്നു.രണ്ടാം മത്സരത്തിൽ ജംഷഡ്പൂരിനെ 1-0ന് തോൽപ്പിച്ചു.മൂന്നാം മത്സരത്തിൽ വിജയക്കുതിപ്പ് നിലച്ചു, അവിടെ ശക്തരായ മുംബൈ സിറ്റി ടീമിനെതിരെ പൊരുതിയെങ്കിലും 1-2ന് തോൽവി ഏറ്റുവാങ്ങേണ്ടി വന്നു. തിരിച്ചടിയിൽ നിന്ന് കരകയറാൻ പാടുപെടുന്ന അവർക്ക് അവരുടെ നാലാം മത്സരത്തിൽ നോർത്ത് ഈസ്റ്റ് യുണൈറ്റഡിനെതിരെ 1-1 സമനില മാത്രമേ നേടാനായുള്ളൂ.
എന്നാൽ ഒഡീഷയെ 2-1ന് തോൽപ്പിച്ചു.കേരള ബ്ലാസ്റ്റേഴ്സിന്റെ ഡഗൗട്ടിലെ വുകോമാനോവിച്ചിന്റെ തിരിച്ചുവരവ് ഒരിക്കൽ കൂടി കേരളാ ബ്ലാസ്റ്റേഴ്സിന്റെ ഭാഗ്യം മാറ്റിമറിച്ചു.കേരള ബ്ലാസ്റ്റേഴ്സും ഈസ്റ്റ് ബംഗാളും ലീഗിൽ ആറ് തവണ ഏറ്റുമുട്ടിയിട്ടുണ്ട്.ഈ വർഷം ഫെബ്രുവരിയിൽ കേരള ബ്ലാസ്റ്റേഴ്സിനെതിരായ അവസാന മീറ്റിംഗിൽ ഈസ്റ്റ് ബംഗാൾ വിജയിച്ചു. ബ്രസീലിയൻ സ്‌ട്രൈക്കർ ക്ലീറ്റൺ സിൽവ നേടിയ ഏക ഗോളിൽ 1-0ന് ജയിച്ചു.ഒഡീഷയ്‌ക്കെതിരായ മത്സരത്തിൽ നിന്നും വ്യത്യസ്തമായി ബ്ലാസ്റ്റേഴ്സ് രണ്ട് മാറ്റങ്ങൾ വരുത്താൻ സാധ്യതയുണ്ട്.അവസാന മത്സരത്തിൽ സമനില ഗോൾ നേടിയ ഡയമന്റകോസിന് ആദ്യ ഇലവനിൽ സ്ഥാനം ലഭിക്കും.മധ്യനിരയിൽ മുഹമ്മദ് അസ്ഹർ ടീമിൽ എത്താനുള്ള സാധ്യതയുണ്ട്.
Always a competitive affair when we face off against East Bengal FC. ⚽⚔️#EBFCKBFC #KBFC #KeralaBlasters pic.twitter.com/MIs1FAikhm
— Kerala Blasters FC (@KeralaBlasters) November 2, 2023
ഈസ്റ്റ് ബംഗാൾ (4-2-3-1): പ്രഭ്സുഖൻ ഗിൽ; ഹർമൻജോത് സിംഗ് ഖബ്ര, ലാൽചുങ്‌നുംഗ, ഹിജാസി മഹർ, നിഷു കുമാർ; സൗൾ ക്രെസ്‌പോ, സൗവിക് ചക്രവർത്തി; നന്ദകുമാർ സെക്കർ, ബോർജ ഹെരേര, നവോറെം മഹേഷ് സിംഗ്; ക്ലീറ്റൺ സിൽവ.
കേരള ബ്ലാസ്റ്റേഴ്സ് (4-4-2): സച്ചിൻ സുരേഷ്; സന്ദീപ് സിംഗ്, പ്രീതം കോട്ടാൽ, ഹോർമിപം റൂയിവ, നയോച ഹുയിഡ്രോം സിംഗ്; രാഹുൽ കെ.പി, മുഹമ്മദ് അസ്ഹർ, ഡാനിഷ് ഫാറൂഖ്, ഡെയ്സുകെ സകായ്; അഡ്രിയാൻ ലൂണ, ഡിമിട്രിയോസ് ഡയമന്റകോസ്.
