ലയണൽ മെസ്സിയോ ക്രിസ്റ്റ്യാനോ റൊണാൾഡോയോ ? : തന്റെ ഇഷ്ടതാരത്തെക്കുറിച്ച് പറഞ്ഞ് അഡ്രിയാൻ ലൂണ|Kerala Blasters |Adrian Luna

കഴിഞ്ഞ രണ്ടു സീസണുകളിലും കേരള ബ്ലാസ്റ്റേഴ്സിന്റെ മധ്യനിരയിൽ ഉറുഗ്വേൻ പ്ലെ മേക്കർ അഡ്രിയാൻ ലൂണ മികച്ച പ്രകടനമാണ് പുറത്തെടുത്തത്. 2021 -22 സീസണിൽ ബ്ലാസ്റ്റേഴ്സിനെ ഐഎസ്എൽ ഫൈനലിലെത്തിക്കുന്നതിൽ ലൂണയുടെ പങ്ക് വളരെ വലുതായിരുന്നു.മുൻ സീസണുകളിലെപ്പോലെ ഇക്കുറിയും ലൂണയെ ചുറ്റിപ്പറ്റിയാണ് കേരള ബ്ലാസ്റ്റേഴ്‌സ് തന്ത്രങ്ങൾ ഒരുക്കുന്നത് .

ഈ സീസണിൽ ആദ്യ മൂന്ന് ഐ‌എസ്‌എൽ മത്സരങ്ങളിൽ ഇതിനകം രണ്ട് ഗോളുകൾ നേടിയ ഉറുഗ്വേൻ മിഡ്‌ഫീൽഡർ ക്ലബ്ബിന്റെ വിജയങ്ങളിൽ നിർണായക പങ്ക് വഹിക്കുന്നു.ഒരു ക്രിയേറ്റീവ് പ്ലേ മേക്കർ എന്ന നിലയിലും ഗോൾ സ്‌കോറർ എന്ന നിലയിലും ലൂണയുടെ വൈദഗ്ധ്യം ബ്ലാസ്റ്റേഴ്സിന് വലിയ ഗുണമാണ് നൽകുന്നത്. ഉറുഗ്വേയിലെ ടാക്വരെംബോ എന്ന ചെറിയ പട്ടണത്തിൽ നിന്നാണ് ലൂണയുടെ വളർച്ച ആരംഭിക്കുന്നത്.എപ്പോഴും തെരുവിൽ സുഹൃത്തുക്കളുമായി ഫുട്ബോൾ കളിക്കുന്ന താരം ഭക്ഷണം കഴിക്കാൻ മാത്രമേ വീട്ടിൽ പോകൂ.ഒരു പ്രൊഫഷണൽ ഫുട്ബോൾ കളിക്കാരനാകാൻ 16 വയസ്സുള്ളപ്പോൾ എന്റെ ചെറിയ പട്ടണം വിടേണ്ടി വന്നു.

ഡിഫൻസർ സ്പോർട്ടിംഗിൽ ചേരാൻ ഞാൻ മോണ്ടെവീഡിയോയിലേക്ക് മാറി. എനിക്ക് 16-17 വയസ്സുള്ളപ്പോൾ പ്രൊഫഷണൽ ഫുട്ബോൾ കളിക്കാൻ അവർ ലൂണക്ക് അവസരം നൽകി. വളർന്നു വരുന്ന പ്രായത്തിൽ തന്റെ ആരാധന പാത്രങ്ങൾ ആരായിരുന്നു എന്നതിനെക്കുറിച്ച് ലൂണ സംസാരിച്ചു.

“ഞാൻ ആദ്യം റൊണാൾഡീഞ്ഞോയെയും ഡീഗോ ഫോർലാനെയും നോക്കി. ഞാൻ വളരാൻ തുടങ്ങിയപ്പോൾ ലയണൽ മെസ്സിയെ നോക്കി. ഞാൻ ഒരു വലിയ മെസ്സി ആരാധകനാണ്. ക്രിസ്റ്റ്യാനോ റൊണാൾഡോ ഫ്രീകിക്കുകൾ എടുക്കുന്ന രീതി ഞാൻ കാണാറുണ്ടായിരുന്നു.അദ്ദേഹം പന്ത് അടിക്കുന്ന രീതികളെക്കുറിച്ചും ഏത് ആംഗിളിൽ നിന്നാണെന്നും നോക്കി ഞാൻ ഒരുപാട് സമയം ചെലവഴിച്ചു.ഫ്രീ-കിക്കുകളിൽ നിന്ന് ഷൂട്ട് ചെയ്യുന്ന ആ സാങ്കേതികതയിൽ പ്രാവീണ്യം നേടുന്നത് എനിക്ക് പ്രധാനമായിരുന്നു” ലൂണ പറഞ്ഞു.