‘രവീന്ദ്ര ജഡേജയല്ല’ : സിഎസ്‌കെയിൽ എംഎസ് ധോണി ക്യാപ്റ്റൻ സ്ഥാനം ഒഴിഞ്ഞാൽ പിൻഗാമിയായി ആരെത്തുമെന്ന് പറഞ്ഞ് സുരേഷ് റെയ്ന | IPL 2024
എംഎസ് ധോണിക്ക് ശേഷം ചെന്നൈ സൂപ്പർ കിംഗ്‌സിനെ ആര് നയിക്കും? ഇന്ത്യൻ പ്രീമിയർ ലീഗ് ) 2024 സീസണിന് മുന്നോടിയായുള്ള മില്യൺ ഡോളർ ചോദ്യത്തിന് ഉത്തരം നൽകി മുൻ ഇന്ത്യൻ ഓൾറൗണ്ടർ സുരേഷ് റെയ്ന.വെള്ളിയാഴ്ച ചെപ്പോക്കിൽ നടക്കുന്ന ഐപിഎൽ 2024 ൻ്റെ കർട്ടൻ റൈസറിൽ നിലവിലെ ചാമ്പ്യന്മാരായ സിഎസ്‌കെ വിരാട് കോഹ്‌ലി നായകനായ റോയൽ ചലഞ്ചേഴ്‌സ് ബാംഗ്ലൂരിനെ നേരിടും.
തൻ്റെ വിശിഷ്‌ടമായ ടി20 കരിയറിൻ്റെ അവസാനത്തേക്ക് കടന്ന ധോണി കഴിഞ്ഞ സീസണിൽ സിഎസ്‌കെയെ അവരുടെ അഞ്ചാം ഐപിഎൽ കിരീടത്തിലേക്ക് നയിച്ചു.ജിയോ സിനിമയിൽ ധോണിയുടെ അനുയോജ്യമായ പിൻഗാമിയെ കുറിച്ച് ചർച്ച ചെയ്ത മുൻ സിഎസ്‌കെ താരം റെയ്ന ഓപ്പണർ റുതുരാജ് ഗെയ്‌ക്‌വാദിന്റെ പേരാണ് പറഞ്ഞത്.ധോണി വിരമിച്ചാൽ ചെന്നൈയുടെ നായകൻ ആരാകുമെന്നത് വലിയ ചോദ്യമാണ്. ഗെയ്ക്ക്‌വാദിന് ചെന്നൈ ടീമിനെ ഉയരങ്ങളിൽ എത്തിക്കാൻ കഴിയുമെന്ന് റെയ്ന വിലയിരുത്തി.
ഐപിഎല്ലിൽ 14 സീസണുകൾ കളിച്ച ചെന്നൈയ്ക്ക് ധോണിയെ കൂടാതെ രവീന്ദ്ര ജഡേജ മാത്രമാണ് നായകനായിട്ടുള്ളത്. എന്നാൽ ചെന്നൈയുടെ പ്രകടനം മോശമായതിനാൽ സീസണിന്റെ പകുതിക്ക് വെച്ച് ജഡേജ ക്യാപ്റ്റൻസി ധോണിക്ക് മടക്കി നൽകി.സിഎസ്‌കെയുടെ അഞ്ചാം ഐപിഎൽ കിരീടം നേടിയ ശേഷം, 2024 സീസൺ തൻ്റെ ആരാധകർക്ക് ഒരു ‘സമ്മാനം’ ആണെന്ന് ധോണി പറഞ്ഞു. ധോണി നെറ്റ്‌സിൽ വളരെ നന്നായി ബാറ്റ് ചെയ്യുന്നുണ്ടെന്ന് സിഎസ്‌കെ ബാറ്റിംഗ് കോച്ച് മൈക്ക് ഹസി വെളിപ്പെടുത്തി. ധോണിയുടെ മുൻ സഹതാരം റെയ്ന സിഎസ്‌കെ നായകൻ കുറഞ്ഞത് രണ്ട്-മൂന്ന് വർഷമെങ്കിലും ഐപിഎൽ ക്രിക്കറ്റ് കളിക്കണമെന്ന് ആഗ്രഹിക്കുന്നു.
Suresh Raina "This year is more important for CSK than MS Dhoni because we will see who he is going to select as his deputy & probably say,You handle this now.I've been looking after the team since 2008.He is 42 now,& I wants to see him play 5 more years"pic.twitter.com/XMbcKq9nER
— Sujeet Suman (@sujeetsuman1991) March 20, 2024
“എംഎസ് ധോണിയേക്കാൾ ഈ വർഷം സിഎസ്‌കെക്ക് വളരെ പ്രധാനമാണ്, കാരണം അദ്ദേഹം ആരെയാണ് ഡെപ്യൂട്ടി ആയി തിരഞ്ഞെടുക്കാൻ പോകുന്നതെന്ന് നമ്മൾ കാണും.2008 മുതൽ അദ്ദേഹം ടീമിനെ നയിക്കുന്നുണ്ട് , അദ്ദേഹത്തിന് 42 വയസ്സ് ആയിരിക്കുകയാണ്. ധോണി അഞ്ച് വർഷം കൂടി അല്ലെങ്കിൽ കുറഞ്ഞത് 2-3 വർഷമെങ്കിലും കളിക്കുന്നത് കാണാൻ ഞാൻ ആഗ്രഹിക്കുന്നു, ”റെയ്ന കൂട്ടിച്ചേർത്തു.
