‘ക്രിസ്റ്റ്യാനോ റൊണാൾഡോ ആണെന്നാണ് വിരാട് കോലി കരുതുന്നത്, പക്ഷേ അങ്ങനെയല്ല’ : യുവരാജ് സിംഗ് |Virat Kohli

ഇന്ത്യൻ താരം വിരാട് കോഹ്‌ലിയെ പരിഹസിച്ച് മുൻ ഇന്ത്യൻ ഓൾറൗണ്ടർ യുവരാജ് സിംഗ്. ക്രിസ്റ്റ്യാനോ റൊണാൾഡോ ആണെന്നാണ് കോഹ്‌ലി സ്വയം ചിന്തിക്കുന്നതെന്നും എന്നാൽ അങ്ങനെയല്ലെന്നും അടുത്തിടെ ഒരു അഭിമുഖത്തിൽ യുവരാജ് പറഞ്ഞു. യുവരാജും കോഹ്‌ലിയും നിരവധി വര്ഷം ഇന്ത്യക്കായി ഒരുമിച്ച് കളിച്ചിട്ടുണ്ട്.പ്രശസ്ത ക്രിക്കറ്റ് താരങ്ങൾ എന്നതിലുപരി, ഇരുവരും ഫുട്ബോളിലെ മികച്ച കളിക്കാർ കൂടിയാണ്. ഫുട്ബോളിൽ കോഹ്‌ലിയേക്കാൾ മികച്ചത് താനാണെന്ന് യുവരാജ് കരുതുന്നു.

”ഫുട്ബോളിന് ഇടയില്‍ ഞാനും കോലിയും തമ്മില്‍ തര്‍ക്കിച്ചിട്ടുണ്ട്. നെഹ്റയ്ക്കും സെവാഗിനും ഒപ്പം ഞാന്‍ തര്‍ക്കിച്ചിട്ടുണ്ട്. ക്രിസ്റ്റ്യാനോ റൊണാള്‍ഡോയാണ് താനെന്നാണ് കോലി സ്വയം കരുതുന്നത്. എന്നാല്‍ അങ്ങനെയല്ല. ക്രിക്കറ്റിലേക്ക് വരുമ്പോള്‍ കോലി ക്രിസ്റ്റ്യാനോ റൊണാള്‍ഡോ ആയിരിക്കും. ഫുട്ബോളില്‍ കോലിക്ക് കഴിവുണ്ട്. എന്നാല്‍ ഫുട്ബോളില്‍ കോലിയേക്കാള്‍ മികച്ച് നില്‍ക്കുന്നത് ഞാനാണ്” ടിആർഎസ് പോഡ്‌കാസ്റ്റിൽ യുവരാജ് പറഞ്ഞു.

പരിശീലന സമയത്ത് ഇന്ത്യൻ ടീം ഫുട്ബോൾ കളിക്കുന്നത് പതിവായിരുന്നു. കളിക്കുന്നതിനിടയിൽ താൻ കാലിക്കരുവുംയി പലപ്പോഴും വഴക്കുണ്ടായിട്ടുണ്ടെന്ന് യുവരാജ് പറഞ്ഞു.ഫുട്‌ബോളിൽ വിരാടുമായി ഒരുപാട് തവണ വഴക്കിട്ടിട്ടുണ്ട് എന്ന് അദ്ദേഹം പറഞ്ഞു.

കരിയറിന്റെ ആദ്യഘട്ടത്തിൽ കോഹ്‌ലിയെ ഇരുകൈയ്യും നീട്ടി സ്വീകരിച്ച ചുരുക്കം ചില ഇന്ത്യൻ താരങ്ങളിൽ ഒരാളായിരുന്നു യുവരാജ്. രണ്ട് താരങ്ങളും ആഴത്തിലുള്ള ബന്ധം പങ്കിടുന്നതായി തോന്നുന്നു, സോഷ്യൽ മീഡിയയിലൂടെ പലപ്പോഴും ജന്മദിനങ്ങളിൽ പരസ്പരം ആശംസിക്കുന്നു. എന്നിരുന്നാലും, കോഹ്‌ലി വളരെ തിരക്കിലായതിനാൽ താൻ കോഹ്‌ലിയെ ശല്യപ്പെടുത്തുന്നില്ലെന്ന് യുവരാജ് വെളിപ്പെടുത്തി.

“തിരക്കിലായതിനാൽ കോലിയെ താന്‍ ഇപ്പോള്‍ ബന്ധപ്പെടാറില്ലെന്നും അന്ന് കോലിയുടെ പേര് ചീക്കു എന്നായിരുന്നു. എന്നാലിന്ന് ചീക്കു വിരാട് കോലിയാണ്. അവ തമ്മില്‍ വലിയ വ്യത്യാസമുണ്ട്, യുവരാജ് സിങ് പറഞ്ഞു.