വിശാഖപട്ടണത്ത് നടന്ന മുൻ ടെസ്റ്റിൽ ഇരട്ട സെഞ്ച്വറി നേടിയതിന് പിന്നാലെ രാജ്കോട്ട് ടെസ്റ്റിലും സെഞ്ച്വറി നേടി യുവ ഓപ്പണർ യശസ്വി ജയ്‌സ്വാൾ തൻ്റെ മഹത്തായ ഫോം തുടരുകയാണ്. ഇന്ത്യയുടെ രണ്ടാം ഇന്നിംഗ്‌സിൽ ജയ്‌സ്വാൾ പരമ്പരയിലെ തൻ്റെ രണ്ടാം സെഞ്ച്വറിയും കരിയറിലെ മൂന്നാം ടെസ്റ്റ് സെഞ്ച്വറിയും തികച്ചു.
വെറും 122 പന്തിൽ നിന്നാണ് ജയ്‌സ്വാൾ സെഞ്ച്വറി തികച്ചത്.ടോം ഹാർട്ട്‌ലിയെ ലോംഗ് ഓവറിൽ കൂറ്റൻ സിക്‌സറാക്കി ജയ്‌സ്വാൾ 79 പന്തിൽ അർദ്ധ സെഞ്ച്വറി തികച്ചു.50 റൺസ് നേടിയ ശേഷം ബാറ്റർ കൂടുതൽ അകാരമണകാരിയായി മാറി.വെറും 42 പന്തിൽ യശസ്വി തൻ്റെ രണ്ടാം അർദ്ധ സെഞ്ചുറി തികച്ചത്.ഇംഗ്ലണ്ട് ബൗളിംഗിനെതിരെ കടന്നാക്രമിച്ച യുവതാരം ശരിയായ ക്രിക്കറ്റ് ഷോട്ടുകളും സ്വീപ്പുകളും റിവേഴ്സ് സ്വീപ്പുകളും കളിച്ചു, ഓരോ ഷോട്ടും കൃത്യമായി ടൈം ചെയ്തു.ജെയിംസ് ആൻഡേഴ്സന്റെ ഒരോവറിൽ 19 റൺസ് നേടുകയും ചെയ്തു.
തൻ്റെ അവസാന രണ്ട് ഇന്നിംഗ്‌സുകളിൽ രണ്ട് കുറഞ്ഞ സ്‌കോറുകൾക്ക് പുറത്തായ ജയ്‌സ്വാൾ – 17 ഉം 15 ഉം – ഈ അവസരം കൈവിടാതിരിക്കാൻ തീരുമാനിച്ചു.മൂന്ന് ടെസ്റ്റ് സെഞ്ചുറികൾ നേടുന്ന വേഗമേറിയ ഏഴാമത്തെ ബാറ്റ്‌സ്മാൻ എന്ന റെക്കോർഡ് ജയ്‌സ്വാൾ സ്വന്തമാക്കി.വീരേന്ദർ സെവാഗിനും സഞ്ജയ് മഞ്ജരേക്കർക്കും ഒപ്പം ഈ നേട്ടം പങ്കിട്ടു.ജയ്‌സ്വാളിൻ്റെ വൈദഗ്ധ്യം വളരെ ശ്രദ്ധേയമായിരുന്നു, അത് രവി ശാസ്ത്രിയെ യുവ സച്ചിൻ ടെണ്ടുൽക്കറെ ഓർമ്മിപ്പിച്ചു.
𝐀𝐥𝐥 𝐆𝐀𝐒 𝐍𝐎 𝐁𝐑𝐀𝐊𝐄𝐒! ⛽#YashasviJaiswal #Cricket #India #INDvENG #Sportskeeda pic.twitter.com/d4qUuwlk0h
— Sportskeeda (@Sportskeeda) February 17, 2024
“ജയ്‌സ്വാളിന്റെ ഇന്നത്തെ പ്രകടനം മികച്ചതായിരുന്നു .ബാറ്റിൽ മാത്രമല്ല, ഫീൽഡിലെ അദ്ദേഹത്തിൻ്റെ പ്രകടനവും.ജയ്‌സ്വാൾ എന്നെ ഒരു യുവ സച്ചിനെ ഓർമ്മിപ്പിക്കുന്നു. ‘നിങ്ങൾ സ്വയം വിശ്വസിച്ചാൽ പ്രതീക്ഷയുണ്ട്’ എന്ന പഴഞ്ചൊല്ലിൻ്റെ മികച്ച ഉദാഹരണമാണിത്”ജയ്‌സ്വാൾ തൻ്റെ സെഞ്ച്വറി പൂർത്തിയാക്കിയതിന് തൊട്ടുപിന്നാലെ കമൻ്ററിയിൽ ശാസ്ത്രി പറഞ്ഞു.മുൻ ഇംഗ്ലണ്ട് ക്യാപ്റ്റൻ റൂട്ടിനെ പുറത്താക്കാൻ ജയ്‌സ്വാൾ എടുത്ത സ്ലിപ്പ് ക്യാച്ച് ശ്രദ്ധേയമായിരുന്നു.വിജയിക്കണമെന്ന ജയ്‌സ്വാളിൻ്റെ വ്യഗ്രത അത്ഭുതകരമായ ഫലം കൊയ്യുകയാണ്.
