‘സഞ്ജുവിന് തിരിച്ചടി’ : ടി 20 ലോകകപ്പ് ടീമിൽ സ്ഥാനമുറപ്പിക്കുന്ന പ്രകടനവുമായി ഋഷഭ് പന്ത് | Rishabh Pant
ഇന്നലത്തെ മത്സരത്തിൽ ഡൽഹി ക്യാപ്റ്റൻ റിഷബ് പന്തിന്റെ മിന്നുന്ന പ്രകടനമാണ് ഏറെ ശ്രദ്ധേയമായത്.43 പന്തിൽ പുറത്താകാതെ 88 റൺസ് നേടിയ ഋഷഭ് പന്ത് ഇന്ത്യയുടെ ടി20 ലോകകപ്പ് 2024 ടീമിൽ ഇടം ഇടം ഉറപ്പിച്ചിരിക്കുകയാണ്.അക്‌സർ പട്ടേലിനൊപ്പം (66) 68 പന്തിൽ 113 റൺസ് കൂട്ടുകെട്ടുണ്ടാക്കിയ ഡൽഹി ക്യാപിറ്റൽസ് നായകൻ ക്രീസിൽ തുടരുന്നതിനിടെ അഞ്ച് ഫോറും എട്ട് സിക്‌സും പറത്തി.
ഒപ്പം ട്രിസ്റ്റൻ സ്റ്റബ്‌സുമായി (26 നോട്ടൗട്ട്) പുറത്താകാതെ 67 റൺസിൻ്റെ കൂട്ടുകെട്ടും പടുത്തുയർത്തി ഡൽഹിക്ക് വമ്പൻ സ്കോർ സമ്മാനിച്ചു. 15 അംഗ ടീമിൽ വിക്കറ്റ് കീപ്പറുടെ സ്ഥാനത്തിനായി സെലക്ടർമാർ തല പുകക്കുന്ന സമയത്താണ് പന്തിൻ്റെ തകർപ്പൻ ഇന്നിംഗ്സ്.സഞ്ജു സാംസൺ (രാജസ്ഥാൻ റോയൽസ്), ഇഷാൻ കിഷൻ (മുംബൈ ഇന്ത്യൻസ്), കെ എൽ രാഹുൽ (ലഖ്‌നൗ സൂപ്പർ ജയൻ്റ്‌സ്) എന്നിവരെല്ലാം വേൾഡ് കപ്പിലെ സ്ഥാനത്തിനായി മത്സരിക്കുന്നവരാണ്.
മോഹിത് ശര്‍മയെറിഞ്ഞ അവസാന ഓവറില്‍ റിഷഭ് നാല് സിക്‌സും ഒരു ഫോറുമടക്കം 30 റണ്‍സാണ് അടിച്ചെടുത്തത്. മോഹിത്തിന്റെ ആദ്യ പന്തില്‍ രണ്ട് റണ്‍സാണ് നേടിയത്.രണ്ടാം പന്തില്‍ സിക്‌സറും മൂന്നാം പന്തില്‍ ബൗണ്ടറിയും നാലാം പന്തില്‍ സിക്‌സറും നേടി. അവസാന രണ്ട് പന്തുകളും അതിര്‍ത്തി കടത്തി. റിഷബ് പന്തിന്റെ ഈ ഫോം സഞ്ജുവിന് വലിയ തിരിച്ചടിയായി മാറിയിരിക്കുകയാണ്. ഇന്നലത്തെ പ്രകടനത്തോടെ ഐപിഎല്ലിലെ റണ്‍വേട്ടക്കാരില്‍ മൂന്നാം സ്ഥാനത്തേക്കുയരാനും റിഷഭിനായി. സഞ്ജു സാംസണെക്കാളും കൂടുതല്‍ റണ്‍സ് നേടാനും റിഷഭിന് സാധിച്ചു. സഞ്ജുവിനെക്കാള്‍ മികച്ച സ്‌ട്രൈക്ക് റേറ്റും റിഷഭിനുണ്ട്.തകര്‍പ്പന്‍ ബാറ്റിങ് പ്രകടനവും നടത്തുന്നുണ്ടെങ്കിലും നിര്‍ണ്ണായക ബാറ്റിങ് പ്രകടനവുമായി വലിയ ഇംപാക്ട് സൃഷ്ടിക്കാനുള്ള കഴിവ് സഞ്ജുവിനില്ല.
പന്തിന് വിക്കറ്റ് കീപ്പ് ചെയ്യാൻ കഴിയുമെങ്കിൽ ഇന്ത്യയുടെ ടി20 ലോകകപ്പ് ടീമിലുണ്ടാകുമെന്ന് ഐപിഎൽ ആരംഭിക്കുന്നതിന് മുമ്പ് ബിസിസിഐ സെക്രട്ടറി ജയ് ഷാ പറഞ്ഞിരുന്നു.ആദ്യം ബാറ്റ് ചെയ്യാൻ ഇറങ്ങിയ ഡൽഹി ക്യാപിറ്റൽസിന് സന്ദീപ് വാര്യർ എറിഞ്ഞ ഒരേ ഓവറിൽ ഓപ്പണർമാരായ ജേക്ക് ഫ്രേസർ-മക്ഗുർക്ക്, പൃഥ്വി ഷാ എന്നിവരെ നഷ്ടമായപ്പോൾ മികച്ച തുടക്കം ലഭിച്ചില്ല. എന്നാൽ ഡൽഹിയെ കൈപ്പിടിച്ച് ഉയർത്തിയത് പന്തും അക്സറും ആയിരുന്നു.
പന്ത് സാവധാനത്തിൽ ആരംഭിച്ചുവെങ്കിലും സമയം പുരോഗമിക്കുന്തോറും ആത്മവിശ്വാസം നേടി, തൻ്റെ റണ്ണുകൾ സ്കോർ ചെയ്യുന്നതിനായി തൻ്റെ ട്രേഡ് മാർക്ക് ഷോട്ടുകൾ പുറത്തെടുത്തു.34 പന്തിൽ മോഹിത്തിൻ്റെ പന്തിൽ മറ്റൊരു സിക്‌സറോടെ പന്ത് തൻ്റെ അർദ്ധ സെഞ്ചുറിയിലെത്തി. മൊത്തത്തിൽ, മൊഹിതിനെ 18 പന്തിൽ 62 റൺസാണ് അടിച്ചെടുത്തത്.തൻ്റെ എട്ട് സിക്‌സുകളിൽ ഏഴെണ്ണം മോഹിത്തിൻ്റെ ബൗളിംഗിൽ നിന്നാണ്.
