കേരള ബ്ലാസ്റ്റേഴ്സിന്റെ സൂപ്പർ കപ്പ് പോരാട്ടത്തിന് ഇന്ന് തുടക്കം , എതിരാളികൾ ഐ ലീഗ് ക്ലബ് ഷില്ലോങ് ലജോംഗ് | Kerala Blasters
ഇന്ത്യൻ സൂപ്പർ ലീഗിൽ മിന്നുന്ന ഫോമിൽ കളിക്കുന്ന കേരള ബ്ലാസ്റ്റേഴ്സിന്റെ ഇനിയുള്ള പോരാട്ടം കലിംഗ സൂപ്പർ കപ്പിലാണ്. ഇന്ന് നടക്കുന്ന മത്സരത്തിൽ കേരള ബ്ലാസ്റ്റേഴ്‌സ് ഐ ലീഗ് ടീമായ ഷില്ലോങ് ലജോംഗിനെ നേരിടും.നിലവിൽ ഐഎസ്‌എൽ 2023-24 ടേബിളിൽ 12 കളികളിൽ നിന്ന് 26 പോയിന്റുമായി ബ്ലാസ്റ്റേഴ്‌സ് ഒന്നാം സ്ഥാനത്താണ്.ഉച്ചയ്ക്ക് 2:00 മണിക്ക് ആരംഭിക്കുന്ന മത്സരം ജിയോ സിനിമയിൽ സ്ട്രീം ചെയ്യും.സ്‌പോർട്‌സ് 18 ചാനലിൽ തത്സമയം സംപ്രേക്ഷണം ചെയ്യും.
സൂപ്പർ കപ്പിൽ ഗ്രൂപ്പ് ബിയിലാണ് കേരള ബ്ലാസ്റ്റേഴ്‌സ് ഉൾപ്പെട്ടിരിക്കുന്നത്. ജംഷഡ്‌പൂർ, നോർത്ത് ഈസ്റ്റ് യുണൈറ്റഡ് എന്നിവർക്കൊപ്പം ഐ ലീഗ് ക്ലബായ ഷില്ലോങ് ലാജോങ്ങും ഗ്രൂപ്പിലുണ്ട്. ആദ്യ കിരീടം നേടുക എന്ന ലക്ഷ്യത്തോടെയാണ് ബ്ലാസ്റ്റേഴ്‌സ് ഇറങ്ങുന്നത്.മറുവശത്ത്, ഷില്ലോംഗ് ലജോംഗ് എഫ്‌സി നിലവിൽ 11 മത്സരങ്ങളിൽ നിന്ന് 19 പോയിന്റുമായി 2023-24 ഐ-ലീഗിൽ അഞ്ചാം സ്ഥാനത്താണ്.
വിദേശ താരങ്ങൾ അടങ്ങുന്ന ശക്തമായ ടീമിനെയാണ് ബ്ലാസ്റ്റേഴ്‌സ് സൂപ്പർ കപ്പിനായി അണിനിരത്തുന്നത്. ഡയമന്റകോസിന്റെ ഗോൾ സ്‌കോറിങ്ങാണ് ബ്ലാസ്റ്റേഴ്സിന്റെ കരുത്ത്.2023 അവസാനത്തോടെ മുംബൈ സിറ്റി എഫ്‌സിക്കും മോഹൻ ബഗാൻ സൂപ്പർ ജയന്റ്‌സിനും എതിരായ വലിയ വിജയങ്ങളിൽ ഗ്രീക്ക് സ്‌ട്രൈക്കർ ഗോൾ നേടിയിരുന്നു.ഡിമന്റകോസ് ലീഗിൽ ഏഴ് ഗോളുകളും രണ്ട് അസിസ്റ്റുകളും നേടിയിട്ടുണ്ട്.തന്റെ അവസാന അഞ്ച് മത്സരങ്ങളിൽ അഞ്ച് ഗോളുകൽ താരം നേടിയിട്ടുണ്ട്.
ക്വാമെ പെപ്രകൊപ്പം മുന്നേറ്റ നിരയിൽ ഗ്രീക്ക് തരാം മികച്ച ഒത്തിണക്കം കാണിക്കുകയും ചെയ്തു.ലൂണയുടെ അഭാവത്തിൽ മധ്യനിരയിൽ വിബിൻ മോഹനനും ഡാനിഷ് ഫാറൂഖും മികച്ച കൂട്ടുകെട്ടുണ്ടാക്കിയപ്പോൾ മുഹമ്മദ് ഐമൻ ഇടത് മിഡ്ഫീൽഡ് പൊസിഷൻ തന്റേതാക്കി.അദ്ദേഹത്തിന്റെ ഇരട്ട സഹോദരൻ മുഹമ്മദ് അസ്ഹർ അവസാന മത്സരത്തിലെ മികച്ച പ്രകടനത്തോടെ സ്റ്റാർട്ടിംഗ് ലൈനപ്പിലും ഇടം നേടിയേക്കാം, എന്നാൽ എല്ലാ കണ്ണുകളും ജീക്‌സൺ സിങ്ങിലേക്കായിരിക്കും, പരിക്കിന് ശേഷം നീണ്ട ഇടവേളയ്ക്ക് ശേഷം പരിശീലനം പുനരാരംഭിക്കുകയും ടീമിലേക്ക് മടങ്ങിയെത്തുകയും ചെയ്തു.
വെറ്ററൻ ഗോൾകീപ്പർ കരൺജിത് സിംഗ് ഫസ്റ്റ് ചോയ്‌സ് സച്ചിൻ സുരേഷിന് പകരം ഗോൾ കാക്കാൻ സാധ്യതയുണ്ട്.മാർക്കോ ലെസ്‌കോവിച്ചിനും മിലോസ് ഡ്രിൻസിക്കും പ്രതിരോധത്തിൽ അണിനിരക്കും.കോട്ടാലിന്റെ അഭാവത്തിൽ റൈറ്റ് ബാക്ക് സ്ഥാനത്തെത്താൻ പ്രബീർ ദാസാണ് ഫേവറിറ്റ്, ഫോമിലുള്ള ലെഫ്റ്റ് ബാക്ക് നോച്ച സിംഗ് സ്ഥാനം നിലനിർത്താൻ സാധ്യതയുണ്ട്.
📊 Kerala Blasters has only one win from five matches in Super Cup so far. #KBFC pic.twitter.com/2ru8EWv9jT
— KBFC XTRA (@kbfcxtra) January 9, 2024
കേരള ബ്ലാസ്റ്റേഴ്‌സ് : കരൺജിത് സിംഗ് (ഗോൾ കീപ്പർ ), പ്രബീർ ദാസ്, ഹോർമിപാം റൂയിവ, മിലോസ് ഡ്രിൻസിച്ച്, ഹുയ്‌ഡ്രോം നൗച്ച സിംഗ്, വിബിൻ മോഹനൻ, ഡാനിഷ് ഫാറൂഖ്, മുഹമ്മദ് അസ്ഹർ, മുഹമ്മദ് ഐമെൻ, ക്വാമെ പെപ്ര, ദിമിട്രിയോസ് ഡയമന്റക്കോസ്
