രണ്ട് മത്സരങ്ങളും രണ്ട് വിജയങ്ങളും !!ആദ്യ രണ്ടു മത്സരങ്ങളിലെ വിജയത്തിലൂടെ ശെരിയായ ബാലൻസ് കണ്ടെത്തിയ കേരള ബ്ലാസ്റ്റേഴ്‌സ് |Kerala Blasters

രണ്ട് മത്സരങ്ങളും രണ്ട് വിജയങ്ങളും! ഇന്ത്യൻ സൂപ്പർ ലീഗിന്റെ ചരിത്രത്തിൽ ആദ്യമായാണ് കേരള ബ്ലാസ്റ്റേഴ്‌സ് തങ്ങളുടെ ആദ്യ രണ്ട് മത്സരങ്ങൾ ജയിക്കുന്നത്. ബ്ലാസ്റ്റേഴ്‌സും ജംഷഡ്പൂർ എഫ്‌സിയും തമ്മിലുള്ള മത്സരത്തിന് മുന്നോടിയായി, പ്രതികൂല കാലാവസ്ഥയെക്കുറിച്ച് ആശങ്കകൾ ഉണ്ടായിരുന്നു, പക്ഷേ ഭാഗ്യവശാൽ മഴ വിട്ടുനിന്നു.

അന്തരീക്ഷം അതിമനോഹരമായിരുന്നു, പക്ഷേ ഇരു ടീമുകളും കരുതലോടെ കളിച്ചതിനാൽ മത്സരത്തിന്റെ ആദ്യ പകുതി വിരസമായിരുന്നു.ഇരു ടീമുകൾക്കും കാര്യമായ അവസരങ്ങൾ സൃഷ്ടിക്കാൻ സാധിച്ചില്ല.എതിരാളിയെക്കാൾ മേൽക്കൈ നേടാനുള്ള ‘വെയിറ്റിംഗ് ഗെയിം’ കളിച്ചപ്പോൾ ഗോൾ നേടാൻ ബ്ലാസ്റ്റേഴ്സും ജംഷഡ്പൂരും കാര്യമായ ശ്രമങ്ങളൊന്നും നടത്തിയില്ല, പ്രത്യേകിച്ച് ആദ്യ പകുതിയിൽ.കെ പി രാഹുൽ, ദിമിത്രിയോസ് ഡയമന്റകോസ് തുടങ്ങിയ പ്രമുഖ താരങ്ങളില്ലാതെയാണ് ബ്ലാസ്റ്റേഴ്‌സ് ആദ്യ മത്സരം ജയിച്ചത്.

സസ്‌പെൻഷൻ കാരണം ഹെഡ് കോച്ച് ഇവാൻ വുകൊമാനോവിച്ചും വിട്ടുനിന്നിരുന്നു. ബ്ലാസ്റ്റേഴ്‌സ് തോൽപ്പിച്ച ബെംഗളൂരു എഫ്‌സി, ജംഷഡ്പൂർ എഫ്‌സി തുടങ്ങിയവർ ലീഗിൽ ശക്തരായവർ തന്നെയാണ്.രണ്ടു ജയത്തോടെ പത്താം സീസണിൽ കേരള ബ്ലാസ്റ്റേഴ്സിന് പോസിറ്റീവായി തന്നെ തുടങ്ങാൻ ബ്ലാസ്റ്റേഴ്സിന് കഴിഞ്ഞു. സാധാരണയായി ഒരു സീസണിന്റെ തുടക്കത്തിൽ ടീമുകൾക്ക് താളവും സ്ഥിരതയും കണ്ടെത്തുന്നത് ബുദ്ധിമുട്ടായിരിക്കും.ബ്ലാസ്റ്റേഴ്‌സിന് അവരുടെ ബാലൻസ് ഏതാണ്ട് ശരിയായിട്ടുണ്ട് എന് ആദ്യ രണ്ടു മത്സരങ്ങളിൽ നിന്നും മനസ്സിലാക്കാൻ സാധിക്കും.ഈയൊരു ബാലൻസ് മുന്നോട്ട് കൊണ്ടുപോകുകയും വിജയം ഒരു ശീലമാക്കുകയും വേണം.

ഇന്നലത്തെ മത്സരത്തിൽ ബ്ലാസ്റ്റേഴ്‌സ് ഡിഫൻഡർമാർ അവരുടെ അവസാന മത്സരത്തെ അപേക്ഷിച്ച് ദൃഢമായ പ്രകടനം പുറത്തെടുത്തു.മിലോസ് ഡ്രിൻസിച്ചിന്റെ നേതൃത്വത്തിലുള്ള പ്രതിരോധം ഉറച്ചുനിൽക്കുകയും എതിർ ആക്രമണ ശ്രമങ്ങളെ പരാജയപ്പെടുത്തുകയും ചെയ്തു.ബ്ലാസ്റ്റേഴ്സിന്റെ ഉറച്ച പ്രതിരോധം ജംഷഡ്പൂർ മുന്നേറ്റത്തിനെ ഫലപ്രദമായി തടസ്സപ്പെടുത്തുകയും തടയുകയും ചെയ്തു.കളിച്ച രണ്ട് മത്സരങ്ങളിൽ നിന്നും രണ്ട് വിജയവുമായി 6 പോയിന്റോടെ ബ്ലാസ്റ്റേഴ്‌സ് പോയിന്റ് പട്ടികയിൽ രണ്ടാം സ്ഥാനത്താണ്.

രണ്ട് മത്സരങ്ങളിൽ നിന്നായി 6 പോയിന്റുള്ള മോഹൻ ബഗാനാണ് പട്ടികയിലെ ഒന്നാം സ്ഥാനക്കാർ.കരുത്തരായ മുംബൈ സിറ്റിയാണ് ഇനി ബ്ലാസ്റ്റേഴ്‌സിന്റെ എതിരാളികൾ. മുംബൈയുടെ ഹോം ഗ്രൗണ്ടിൽ ഒക്ടോബർ 8 ന് രാത്രി 8 മണിക്കാണ് പോരാട്ടം. സീസണിലെ ബ്ലാസ്റ്റേഴ്‌സിന്റെ ആദ്യ എവേ മത്സരം കൂടിയാണിത്.