‘ദക്ഷിണാഫ്രിക്കയിൽ ടെസ്റ്റ് പരമ്പര ജയിക്കാത്തതിന്റെ ഉത്തരവാദി രോഹിത് ശർമ്മയാണ് : സഞ്ജയ് മഞ്ജരേക്കർ | Rohit Sharma
ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പര ഇന്ത്യക്ക് നേടാനാകാത്തതിന് പിന്നാലെ ക്യാപ്റ്റൻ രോഹിത് ശർമ്മയ്‌ക്കെതിരെ വീണ്ടും ആഞ്ഞടിച്ച് സഞ്ജയ് മഞ്ജരേക്കർ. ക്യാപ്റ്റൻ രോഹിത് ശർമ്മ വരുത്തിയ പിഴവുകൾ മഞ്ജരേക്കർ ഉയർത്തിക്കാട്ടി.ഒരു മത്സരത്തിലെ നിർണായക നിമിഷങ്ങൾ നഷ്ടപ്പെടുന്നതിനെക്കുറിച്ച് മഞ്ജരേക്കർ സംസാരിച്ചു ,അത്തരം വീഴ്ചകൾ ആത്യന്തികമായി മുഴുവൻ കളിയും തോൽക്കുന്നതിന് കാരണമാകുമെന്ന് പറഞ്ഞു.
ആദ്യ ടെസ്റ്റിൽ ഇന്നിംഗ്സിനും 32 നും സന്ദർശകർ പരാജയപ്പെട്ടു. രണ്ടാം മത്സരത്തിൽ 7 വിക്കറ്റിന് വിജയം നേടി പരമ്പര സമനിലയിലാക്കി. എന്നാൽ സൗത്ത് ആഫ്രിക്കയിലെ ആദ്യ ടെസ്റ്റ് പരമ്പര വിജയം എന്ന ലക്‌ഷ്യം പൂർത്തീകരിക്കാൻ രോഹിത് ശർമ്മയ്ക്ക് സാധിച്ചില്ല.ദക്ഷിണാഫ്രിക്കയില്‍ ഇതുവരെ ഇന്ത്യക്കൊരു ടെസ്റ്റ് പരമ്പര ജയിക്കാന്‍ കഴിഞ്ഞിട്ടില്ല. ഒന്‍പത് ടെസ്റ്റ് പരമ്പരകളാണ് ഇന്ത്യ ദക്ഷിണാഫ്രിക്കയില്‍ ആകെ കളിച്ചത്. ഇതില്‍ ഏഴെണ്ണം തോറ്റു. 2010-11 കാലത്ത് എം.എസ്. ധോനിയുടെ നേതൃത്വത്തിലുള്ള ടീമും 1-1 എന്ന നിലയില്‍ സമനില പിടിച്ചിരുന്നു. സൗത്ത് ആഫ്രിക്കൻ മണ്ണില്‍ ഒരു ടെസ്റ്റ് പരമ്പര നേട്ടത്തിന് ഇന്ത്യ ഇനിയും കാത്തിരിക്കണം.
ദക്ഷിണാഫ്രിക്കന്‍ മണ്ണില്‍ ഇത് ഇന്ത്യയുടെ അഞ്ചാമത്തെ ടെസ്റ്റ് ജയമാണ്. 2006, 2018 വര്‍ഷങ്ങളില്‍ ജൊഹാനസ്ബര്‍ഗിലും 2010-ല്‍ ഡര്‍ബനിലും 2018-ല്‍ സെഞ്ചൂറിയനിലുമാണ് ഇതിനു മുന്‍പ് ടെസ്റ്റ് ജയിച്ചത്. രാഹുല്‍ ദ്രാവിഡ്, എം.എസ്. ധോനി, വിരാട് കോലി എന്നിവര്‍ക്ക് ശേഷം സൗത്ത് ആഫ്രിക്കയിൽ ഒരു ടെസ്റ്റ് ജയിക്കുന്ന നാലാമത്തെ ക്യാപ്റ്റനായി രോഹിത് ശര്‍മ മാറി.ടെസ്റ്റ് പരമ്പരയിൽ രോഹിതിന്റെ ക്യാപ്റ്റൻസി മുൻ ഇന്ത്യൻ താരം സഞ്ജയ് മഞ്ജരേക്കർ വിലയിരുത്തി.
Sanjay Manjrekar highlights Rohit Sharma's captaincy errors during #SAvsIND Test series 👀#IndianCricketTeam #SanjayManjrekar #RohitSharma #CricketTwitter pic.twitter.com/YfEMUprkqE
— InsideSport (@InsideSportIND) January 5, 2024
“2023 ഐസിസി ലോകകപ്പിൽ അദ്ദേഹം മികച്ചതായിരുന്നു, ഫൈനലിൽ ഓസ്‌ട്രേലിയയ്‌ക്കെതിരെ ഇന്ത്യ തോറ്റതിന് ശേഷം എനിക്ക് അദ്ദേഹത്തോട് സഹതാപം തോന്നി,” സഞ്ജയ് മഞ്ജരേക്കർ ESPNcriinfo-യിൽ പറഞ്ഞു.“എന്നിരുന്നാലും, ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയിലെ അദ്ദേഹത്തിന്റെ നേതൃത്വത്തിൽ ഞാൻ തൃപ്തനല്ല.രണ്ട് ടെസ്റ്റുകളിലും രോഹിത് പിഴവുകൾ വരുത്തി, ആദ്യ ടെസ്റ്റിൽ തന്നെ വിലയേറിയ പിഴവുകൾ അദ്ദേഹം വരുത്തി. രണ്ടാം ടെസ്റ്റിൽ രോഹിതിനെ മുഹമ്മദ് സിറാജ് രക്ഷപ്പെടുത്തി.അദ്ദേഹം മുകേഷ് കുമാറിന് ഓവർ നൽകി, ഇത് എയ്ഡൻ മാർക്രമിനെ മുന്നേറാൻ സഹായിച്ചു.മാർക്രം സ്കോർ ചെയ്യുമ്പോൾ സിറാജ് ഒരു ഓവർ മാത്രം എറിഞ്ഞു. ലീഡ് 60 ആയി ഉയർന്നത് ഒരു അബദ്ധമായിരുന്നു.രണ്ടാം ഇന്നിംഗ്‌സിൽ സിറാജിനേക്കാൾ കൂടുതൽ ഓവർ എറിഞ്ഞത് മുകേഷ് ആണ്.പ്രസിദ് കൃഷ്ണയും സിറാജും ഒരേ ഓവറുകളാണ് എറിഞ്ഞത്,” അദ്ദേഹം കൂട്ടിച്ചേർത്തു.
Rohit Sharma the Test captain: 👍 or 👎#SAvIND pic.twitter.com/z1Sv0c4A5S
— ESPNcricinfo (@ESPNcricinfo) January 5, 2024
രണ്ടാം ഗെയിമിൽ 7 വിക്കറ്റ് വീഴ്ത്തിയ സിറാജ് പ്ലെയർ ഓഫ് ദ മാച്ച് ആയി തിരഞ്ഞെടുക്കപ്പെട്ടു. ആദ്യ ഇന്നിംഗ്‌സിലെ 6 വിക്കറ്റ് നേട്ടം ദക്ഷിണാഫ്രിക്കയെ 55 റൺസിൽ ഒതുക്കി. മറുപടി ബാറ്റിംഗിനിറങ്ങിയ രോഹിത് ശർമ്മയുടെ ടീം 153 റൺസിന് പുറത്തായി.ജസ്പ്രീത് ബുംറ ആറ് വിക്കറ്റ് വീഴ്ത്തിയതോടെ രണ്ടാം ഇന്നിംഗ്‌സിൽ 176 റൺസിന് സൗത്ത് ആഫ്രിക്ക പുറത്തായി. വിജയ ലക്ഷ്യമായ 79 റൺസ് മൂന്നു വിക്കറ്റ് നഷ്ടത്തിൽ മറികടന്ന് ഇന്ത്യ വിജയം നേടി.
