ടി20 ലോകകപ്പ് 2024 ഫിക്സ്ചർ : ഇന്ത്യയും പാകിസ്താനും ഒരു ഗ്രൂപ്പിൽ, ആദ്യ മത്സരം ജൂൺ 1 ന് | T20 World Cup 2024

ഇന്റർനാഷണൽ ക്രിക്കറ്റ് കൗൺസിൽ (ഐസിസി) 2024 ലെ ടി20 ലോകകപ്പിന്റെ ഷെഡ്യൂൾ പ്രഖ്യാപിച്ചു.ഇന്ത്യ പാകിസ്ഥാൻ, അയർലൻഡ്, യുഎസ്എ, കാനഡ എന്നിവരുമായി ഗ്രൂപ്പ് എയിൽ ഇടംനേടി.നമീബിയ, സ്‌കോട്ട്‌ലൻഡ്, ഒമാൻ, ഇംഗ്ലണ്ട് ,ഓസ്ട്രേലിയ എന്നിവർ ഗ്രൂപ്പ് ബിയിൽ ഉൾപ്പെട്ടു.വെസ്റ്റ് ഇൻഡീസ്, അഫ്ഗാനിസ്ഥാൻ, ഉഗാണ്ട, പാപുവ ന്യൂ ഗിനിയ എന്നിവർക്കൊപ്പം ഗ്രൂപ്പ് സിയിലാണ് ന്യൂസിലൻഡ്.

അതേസമയം, ശ്രീലങ്ക, ബംഗ്ലാദേശ്, നെതർലൻഡ്‌സ്, നേപ്പാൾ എന്നിവ ഉൾപ്പെടുന്ന ഗ്രൂപ്പ് ഡിയിലേക്ക് ദക്ഷിണാഫ്രിക്ക.യുഎസ്എ vs കാനഡ ടി20 ലോകകപ്പ് 2024 ലെ ആദ്യ മത്സരം ജൂൺ 1 ന് കളിക്കും, ഫൈനൽ ജൂൺ 29 ന് ബാർബഡോസിൽ നടക്കും.യുഎസ്എയിൽ എല്ലാ ഗ്രൂപ്പ് മത്സരങ്ങളും കളിക്കുന്ന ഇന്ത്യ, ജൂൺ 5 ന് ന്യൂയോർക്കിൽ അയർലൻഡിനെതിരെ മത്സരത്തോടെ ലോകകപ്പിന് തുടക്കമിടും.ഇന്ത്യയും പാകിസ്ഥാനും തമ്മിലുള്ള മത്സരം ജൂൺ 9-ന് ന്യൂയോർക്കിൽ പ്രത്യേകം നിർമ്മിച്ച ഒരു താൽക്കാലിക സ്റ്റേഡിയത്തിൽ നടക്കും.

T20 ലോകകപ്പ് 2024 ആദ്യമായി 20 ടീമുകളെ ഉൾപ്പെടുത്തി ഒരു പുതിയ ഫോർമാറ്റ് അവതരിപ്പിക്കുന്നു. ഈ ടീമുകളെ അഞ്ച് പേരടങ്ങുന്ന നാല് ഗ്രൂപ്പുകളായി തിരിക്കും, ഓരോ ഗ്രൂപ്പിലെയും ആദ്യ രണ്ട് ടീമുകൾ സൂപ്പർ എട്ട് ഘട്ടത്തിലേക്ക് മുന്നേറും. ഈ ഘട്ടത്തിൽ ശേഷിക്കുന്ന ടീമുകൾ നാല് പേരടങ്ങുന്ന രണ്ട് ഗ്രൂപ്പുകളായി വിഭജിക്കപ്പെടും. ഈ ഗ്രൂപ്പുകളിലെ ആദ്യ രണ്ട് ടീമുകൾ സെമിഫൈനലിലേക്ക് മുന്നേറും.ഇന്ത്യയുടെ ഗ്രൂപ്പ് ഘട്ട മത്സരങ്ങൾ യുഎസ്എയിലെ വിവിധ വേദികളിലായി നടക്കും..ഗ്രൂപ്പ് ഘട്ടങ്ങൾക്ക് ശേഷം സൂപ്പർ 8 മത്സരങ്ങൾ വെസ്റ്റ് ഇൻഡീസിലായിരിക്കും നടക്കുക.

2024 ടി20 ലോകകപ്പിലെ ഇന്ത്യയുടെ ഗ്രൂപ്പ് ഷെഡ്യൂൾ:
ഇന്ത്യ vs അയർലൻഡ് – ജൂൺ 5 ന്യൂയോർക്കിൽ
ഇന്ത്യ vs പാകിസ്ഥാൻ – ജൂൺ 9 ന്യൂയോർക്കിൽ
ഇന്ത്യ vs യുഎസ്എ – ജൂൺ 12 ന്യൂയോർക്കിൽ
ഇന്ത്യ vs കാനഡ – ജൂൺ 15 ഫ്ലോറിഡയിൽ