അൺസ്റ്റോപ്പബിൾ മെസ്സി !! ആദ്യ പകുതിയിൽ തകർപ്പൻ ഇരട്ട ഗോളുകളുമായി ലയണൽ മെസ്സി |Lionel Messi

അര്ജന്റീന ജേഴ്സിയിൽ സൂപ്പർ താരം ലയണൽ മെസ്സി തന്റെ തകർപ്പൻ ഫോം തുടർന്ന് കൊണ്ടിരിക്കുകയാണ്. പരിക്ക് മൂലം നിരവധി മത്സരങ്ങൾ നഷ്‌ടമായ മെസ്സി ഇന്ന് പെറുവിനെതിരെ മത്സരത്തിൽ ആദ്യ ഇലവനിലേക്ക് മടങ്ങിയെത്തിയത് ആദ്യ പകുതിയിൽ തന്നെ നേടിയ ഇരട്ട ഗോളുകളോടെയാണ് ആഘോഷിച്ചത്.

രണ്ടു തകർപ്പൻ ഗോളുകളാണ് മെസ്സി മത്സരത്തിൽ നേടിയത്. മത്സരത്തിന്റെ തുടക്കം മുതൽ മെസ്സിയുടെ നേതൃത്വത്തിൽ അര്ജന്റീന പെറുവിയൻ പെനാൽട്ടി ബോക്സ് ലക്ഷ്യമാക്കി ആക്രമണം അഴിച്ചുവിട്ടു. മത്സരത്തിന്റെ 32 ആം മിനുട്ടിലാണ് ലയണൽ മെസ്സിയുടെ ആദ്യ ഗോൾ പിറക്കുന്നത്.

അർജന്റീനയുടെ കൗണ്ടർ അറ്റാക്കിൽ നിന്നാണ് ഗോൾ പിറന്നത്.മൈതാന മധ്യത്ത് നിന്നും പന്തുമായി കുതിച്ച എൻസോ ഇടത് വശത്ത് നിന്ന ടാഗ്ലിയാഫിക്കോക്ക് പന്ത് കൈമാറുകയും , താരത്തിന്റെ ക്രോസ്സ് ഫസ്റ്റ് ടൈം ഷോട്ടിലൂടെ മെസ്സി ഗോളാക്കി മാറ്റുകയും ചെയ്തു.

42 ആം മിനുട്ടിൽ ലയണൽ മെസ്സി അർജന്റീനയുടെ രണ്ടാം ഗോളും കൂട്ടിച്ചേർത്തു. ഈ ഗോളിന് പിന്നിലും എൻസോ ആയിരുന്നു. ബോക്സിനുള്ളിൽ നിന്നും എൻസോ കൊടുത്ത പാസ് മനോഹരമായ ഇടം കാൽ ഷോട്ടിലൂടെ മെസ്സി വലയിലാക്കി.